Sapatos at Tsinelas

Madalang ang mga posts ko dahil madalang din ang aking mga paggagala. Hanggang ngayon naka " house arrest " pa rin ako... 'Yan ang tawag nila sa kasalukuyan kong kalagayan matapos kong tumigil at mamahinga sa work...... sa madaling salita, madalas akong nakakulong sa bahay.

Pakiramdam ko, biglang lumaki at lumawak ang mundo.

Pumasok ang 2012 na hindi man lamang ako nakapaghanda sa mga pagbabagong maaring dumating..... ang tanging nasa isip ko ay kailan kaya matatapos ang mahabang bakasyong ito. Ni hindi ako nakabili ng bagong shoes. Isang kaugaliang ginagawa ko bago pumasok ang January 1 ng bawat taon...... para sa bagong lakad at sistema ng buhay para sa bagong taon.

Ngunit nakahabol ako, ang masaya sa kwento, hindi aq bumili....... niregaluhan ako! Ang saya! At ang mas masaya --- dinala ako sa SM Shoemart, pinamili ako ng gusto ko at sila ang nagbayad !

Ito'y hindi na bagong karanasan sa akin...

( Minsan ko nang nabanggit na maraming katawagan at paghahambing akong natamo ... daig ko pa ang kumuha ng psycho test! hahahaha! May bago akong name ngayon ---

..... Astrogirl.... female version ni Astroboy. (Loka talaga si Mayora! ) -- dahil nakita niya ang oxygen tank sa bedroom ko. Lagay ko daw sa bag ko ang tank pag umaalis ako at isalpak ko sa nose ko ang tubings.... parang headset lang! Waaaaaaaaaaa!

Minsan iniisip ko kung ka respe-respeto pa ako sa mga tao sa paligid ko.... Marahil ang mga katawagan ay nalikha dahil nasasalamin ang pagkatao ko sa bawat aking ginagawa. Ngunit ayokong maging seryoso.... takot ako sa wrinkles! nyahahaha!)

Ngunit balak ko ang magbalak ng maraming kabalakan para sa ikauunlad ng bayan... kaya tuwang-tuwa aq sa bagong mga sapin sa paa!

Sapin sa paa-- bagong lakad, bagong direction.

Sana ang magandang simoy ng hangin ng taong ito ay magpatuloy hindi lang sa akin kundi maging sa maraming tao na nag nanais ng maganda, simple at tahimik na buhay. Madaming maganda sa taong ito..... kabilang aq dun! hahahahhaha!

Magpalit na din tayo ng mga bagong sistema at layunin sa buhay kung hindi na uubra ang dating nakasanayan.